Artista e activista que pòrte damb era eth bateg d'ua val isolada.
S’introdusís ena musica des de ben petita. Possada per un fòrt besonh de comunicar, damb quinze ans comence a hèr es prumèrs passi ena composicion de cançons.

 

En 2012 ei descubèrta damb eth vidèoclip Esperança, projècte que denóncie era violéncia de genre. Ei naturau trobar enes sòns tèxtes e concèrts, missatges compromesi e reflexius. Espacis a on se cree ua atomsfèra generosa que convide a formar part deth jòc en tot moment. Era vida ei un aprenentatge mès ric se se compartís damb eth collectiu.

Tres ans dempús d’auer debutat damb eth disc Eth Paradís ei en tu (COMUNA XXI, 2015), era cantaira, acordeonista e guitarrista, publique eth sòn dusau LP Henerècla (Hètaman, 2018), tota ua revelacion musicau de ritmes mestissi e influéncies de musiques deth mon, cantada en occitan (aranés). En 2024, lance eth sòn tresau LP, Arraïtz (Dmusical, 2024), damb er acompanhament de Iago Pico (qu'a produsit es darrèrs albums de Tanxugueiras) ua hèsta a trauès deth temps e der espaci, un recuelh de cançons de tradicion orau occitanes expressades a trauès des còdis qu'aufris era produccion musicau ena actualitat.

Abituala ena scèna musicau occitana e catalana, Alidé a portat eth sòn son per França, Belgica, Alemanha, Luxemburg, Italia e es Estats Units. Ei innegable, es espectacles d’Alidé son d’aqueri que non dèishen indiferent.
 

Ua votz e ua personalitat que despunten liures, coma er aire fresc que baishe dera
montanha.